Қоржынға спорттық биден қола жүлде түсті
Басқа
Спорттық биден Португалияның Вила-Нова-ди Фамаликан қаласында өткен Әлем чемпионатында қазақстандық жұп қола жүлдегер атанды.
14-15 жас аралығындағы жасөспірімдер арасында өнер көрсеткен Данил Кузнецов-Тамара Беленкая жұбы 10 биден (қоссайыс) үздік үштік қатарынан көрінді. Жалпы, жаһан біріншілігінде 34 мемлекеттің би жұптары бақ сынаған.
"Жарыс жақсы деңгейде өтті. Әлі де жақсы жетістікке жетеміз деп ойлаймын. Әрдайым дайындығымыз ұзақ болады. Жаттықтырушыма, ата-анама алғысымды айтамын. Осы спортты жақсы көремін және ол үшін барымды саламын", - деді спорттық биден Әлем чемпионатының қола жүлдегері Тамара Беленкая.