«Барселона» ресми түрде Ламин Ямальға тарихи нөмірді берді
Футбол
РБК
Каталониялық «Барселона» клубы 17 жастағы шабуылшы Ламин Ямальға жаңа ойын нөмірін тағайындады, деп хабарлайды Bassport.kz клубтың баспасөз қызметіне сілтеме жасап.
Жас вундеркинд енді каталондық клубтың аңызға айналған 10-нөмірімен өнер көрсететін болады. Бұл нөмірді бұған дейін Диего Марадона, Ромарио, Ривалдо, Роналдиньо, сондай-ақ клуб тарихындағы ең танымал ойыншы Лионель Месси киген болатын. Соңғы иесі – Ансу Фати.
Клуб өзінің ресми Instagram парақшасында:
«Біздің жаңа ондық!» – деп жазды.
Айта кетейік, Ламин Ямаль қазіргі таңда әлемдегі ең қымбат футболшы саналады. Соңғы жаңартудан кейін оның трансферлік құны 20 миллион еуроға өсіп, Эрлинг Холланды (180 млн €) басып озды. Қазіргі нарықтық бағасы – 200 миллион еуро.