Нико Уильямс пен «Атлетик» келісімшартты ұзарту жайлы келіссөздерді бастады — Джейкобс
Gettty Images
Испания құрамасының шабуылшысы Нико Уильямс Бильбаолық «Атлетик» клубымен келісімшартты ұзарту жөнінде келіссөздер жүргізіп жатыр, деп хабарлайды Bassport.kz сайты, журналист Бен Джейкобс әлеуметтік желі X-те (бұрынғы Twitter) парақшасына сілтеме жасай отырып.
Ақпарат көзінің мәліметінше, тараптар жалақы көлемін €10 млн етіп белгілеу туралы талқылауда. Егер келісімге қол қойылса, жаңа келісімшарттағы сатып алу сомасы да арттырылуы мүмкін. «Атлетик» клубы футболшының қазіргі келісіміндегі €58 млн көлеміндегі сатып алу бабын өзге клубтар іске қоспай тұрып, онымен келісімді ұзартуға үміттеніп отыр.
Өткен маусымда Уильямс барлық турнирде 45 матчқа қатысып, 11 гол соғып, 7 нәтижелі пас берген. Қазіргі келісімшарты 2027 жылдың жазына дейін жарамды. Transfermarkt порталының мәліметіне сәйкес, футболшының нарықтық құны — €70 млн.