Бауыржан Исламхан «Тұранға» ауысады
Футбол
KFF
Қазақстан құрамасының жартылай қорғаушысы Бауыржан Исламхан карьерасын Түркістанның «Тұран» клубында жалғастырады, деп хабарлайды BasSport.kz, Meta-ratings.kz-ке сілтеме жасап.
Қазіргі уақытта 32 жастағы хавбек жол апаты салдарынан алған жарақатына байланысты емделіп жатыр. Ол Түркістан командасына маусымның екінші айналымына қарай қосылады.
Бұған дейін Исламханның қызылордалық «Қайсарға» ауысуға жақын екені хабарланған болатын. Карьерасында Бауыржан «Қайрат», «Астана», «Ордабасы» және БАӘ-нің «Аль-Айн» клубтарында өнер көрсетті.