«Қайсар» бапкері легионерлерге тыйым салу туралы пікір білдірді
Футбол
QFL
«Қайсар» футбол клубының бас бапкері Виктор Кумыков 2025 жылғы маусымда легионерлерді пайдалануға тыйым салынуына қатысты өз пікірін білдірді, деп хабарлайды BasSport.kz.
«Қазіргі жағдайда бізге қиын болатыны анық. Мұндай мәселелерді асығыс шешуге болмайды деп ойлаймын. Бұны алдын ала жоспарлау керек еді. Егер бізге 2025 жылы ескертіп, 2026 жылдан бастап легионерлер болмайтынын айтса, біз біртіндеп дайындала алар едік», – деді Кумыков «Футбол жолы» YouTube-арнасына берген сұхбатында.
Бұған дейін Қызылорда облысының дене шынықтыру, спорт және туризм басқармасының басшысы Бақтияр Артаев «Қайсардың» алдағы маусымда тек қазақстандық футболшылармен ойнайтынын мәлімдеген болатын.