«Барыс» қақпашысы Никита Бояркин “Жұлдыздар матчында” жеңіске жетіп, командасына миллиондаған жүлде әкелді
Хоккей
“Барыс” ХК
Новосибирск қаласында өткен ҚХЛ “Жұлдыздар апталығы” аяқталды.
Бұл шоу-турнирде Қазақстан ұлттық құрамасының және “Барыс” клубының қақпашысы Никита Бояркин ерекше көзге түсті.
Бояркин өнер көрсеткен Чернышёв дивизионының құрамасы жартылай финалда Харламов дивизионын 10:6 есебімен жеңсе, шешуші ойында Бобров дивизионын 9:8 есебімен тізе бүктірді.
Матчтар 3x3 форматында, екі кезеңнен (әрқайсысы 10 минуттан) өтті.
Чернышёв дивизионының командасы бұл жеңісі үшін 5 миллион рубль (шамамен 26 миллион теңге) көлемінде жүлде қорын алды.