Кирилл Герасименко Дохадағы турнирге қатысты
Теннис
ҰОК
Доха қаласында үстел теннисінен WTT Star Contender Doha 2025 халықаралық турнирі басталды, деп хабарлайды BasSport.kz, Olympic.kz сайтына сілтеме жасай отырып.
1/32 финалда қазақстандық Кирилл Герасименко әлем чемпионаты мен әлем кубогының командалық есепте қола жүлдегері болған Лиам Питчфордпен (Англия) кездесті. Ойын 3:2 есебімен Лиамның пайдасына аяқталды.
Айта кетейік, бұл теннисшілердің екінші кездесуі. Алғашқы рет олар 2024 жылы Пусандағы (Корея) әлем чемпионатында кездесіп, Кирилл 3:2 есебімен жеңіске жеткен еді.