Илон Маск АПЛ клубын сатып алғысы келеді
Футбол
Unsplash, Getty Images
Танымал кәсіпкер Илон Маск ағылшынның «Ливерпуль» футбол клубын сатып алуға қызығушылық танытты, деп хабарлайды Bassport.kz.
Бұл ақпаратты миллиардердің әкесі Эррол Маск растады:
«Иә, ол шынымен «Ливерпульді» сатып алғысы келеді, бірақ бұл міндетті түрде сатып алады деген сөз емес. Оның әжесі Ливерпульден шыққан, сондықтан бізде сол жақта көптеген туыстарымыз бар. Сонымен қатар, біз «Битлз» тобының мүшелерін білеміз, өйткені олар біздің отбасының кейбір мүшелерімен бірге өскен», – деді Эррол Маск Times Radio-ға берген сұхбатында.
Қазіргі уақытта Илона Масктің байлығы 425,2 миллиард долларға бағаланып отыр.
Айта кетейік, «Ливерпуль» ағылшын Премьер-лигасында 19 матчта 46 ұпай жинап, турнирлік кестеде бірінші орында тұр.