«Астана» қазақстандық футбол тарихындағы ең қымбат трансферді жүзеге асыруы мүмкін
Футбол
ФК “Астана”
«Астана» клубы Польша чемпионатында өнер көрсететін «Ягеллония» командасының анголалық шабуылшысы Афимико Пюлюлюді өз қатарына қоспақ, деп хабарлайды Bassport.kz
«Тотальный футбол KZ» telegram-арнасының мәліметінше, футболшыға украиналық «Динамо Киев» пен польшалық «Легия» клубтары да қызығушылық танытып отыр.
— Афимико Швейцарияның «Базель» клубының түлегі. 2022 жылы ол Германияның «Гройтер Фюрт» командасына тегін ауысып (13 матч — 1 гол), 2023 жылы Польшадағы «Ягеллонияға» ауысқан. Қазіргі таңда оның еншісінде 64 ойын мен 26 гол бар. Егер Пюлюлю «Астанаға» ауысса, ол ҚПЛ тарихындағы ең қымбат футболшыға айналады. Бұл көрсеткіш қазіргі рекорд иесі, «Қайраттың» белорусиялық жартылай қорғаушысы Валерий Громыконың (1 миллион еуро) трансферлік бағасынан үш есе артық болмақ, – делінген хабарламада.
Айта кетейік, Пюлюлюдің «Ягеллониямен» келісімшарты 2026 жылдың жазына дейін жарамды.