WBA қазақстандық боксшының титулдық жекпе-жегін мақұлдады
Бокс
Sportplustv.kz
WBA Asia қазақстандық боксшы Елшат Нығметолланың титулдық жекпе-жегін ресми түрде мақұлдады, деп хабарлайды Bassport.kz.
Sportnews.kz мәліметінше, Irfin Promotions қазақстандық промоутерлік компаниясына жолданған құжатта WBA Asia қазақстандық спортшы мен индонезиялық қарсыласы Фласидус Нуно арасындағы жекпе-жекті қолдайтынын растады. Боксшылар Азия чемпионы атағы үшін 53,5 келі салмақ дәрежесінде күш сынасады. Жекпе-жек 2025 жылдың 1 ақпанында Тайландтың Бангкок қаласында өтеді.
Бұл Елшат Нығметолла үшін маңызды сынақ болмақ, оның кәсіби рингтегі көрсеткіші: 20 жеңіс, 1 тең нәтиже, 7 нокаут. Қарсыласы Фласидус Нуноның да нәтижесі айтарлықтай мықты: 10 жеңіс, 1 жеңіліс, 2 тең кездесу, 8 нокаут.