Михаил Мудриктың допинг сынағынан өте алмауына сиырдың не қатысы бар?
ФК «Челси»
Лондондық «Челси» клубының және Украина құрамасының вингері Михаил Мудрик допинг сынағынан өте алмады. Бұл туралы украиналық журналист Игорь Бурбасқа сілтеме жасап Bassport.kz хабарлайды.
Бурбас мәліметінше, футболшының ағзасына тыйым салынған мельдоний заты тізесін емдеу үшін егілген сиырдың діңгекті жасушалары арқылы түскен. Бұл жағдай спортшының оң допинг сынағын беруіне себеп болған. Қазіргі таңда Мудрикті төрт жылға дейін жарыстардан шеттету қаупі бар.
Биылғы маусымда Михаил Мудрик «Челси» сапында 15 матч өткізіп, үш гол соғып, бес нәтижелі пас берген. Transfermarkt деректеріне сәйкес, ойыншының нарықтық құны 30 миллион еуроны құрайды, ал 2023 жылдың қаңтарында «Челси» оны донецктік «Шахтерден» 70 миллион еуроға сатып алған болатын.