Мбаппе «Реалдың» финалдағы жеңісінен кейін тарихқа енді
AFP
Мадридтік «Реал» Межконтиненталдық кубок финалында мексикалық «Пачука» командасын 3:0 есебімен жеңіп, кезекті тарихи жеңіске қол жеткізді. Бұл кездесуде негізгі рөлді француз шабуылшысы Килиан Мбаппе ойнады, деп хабарлайды BasSport.kz.
Мбаппе матчтың 37-минутында есеп ашып, «Пачука» қақпасын дәл көздеді. Одан кейін ол Родригоның голына нәтижелі пас берді. Ал ойынның соңғы нүктесін Винисиус Жуниор қойып, пенальтиді сәтті орындады.
Opta мәліметінше, Килиан Мбаппе соңғы он жылда «Реалдың» екі бірдей алғашқы финалында гол соққан үшінші ойыншы атанды. Бұған дейін мұндай жетістікке Гарет Бэйл (2014) және Марко Асенсио (2017) қол жеткізген.
Айта кетейік, тамыз айында француз жұлдызы УЕФА Суперкубогы финалында «Аталантаға» қарсы ойында да мергендігімен танылып, мадридтік клубты 2:0 есебімен жеңіске жетеледі. Бұл Мбаппенің «Реал» сапындағы алғашқы матчы болған еді.