ҚФФ президентін сайлау: Наргис Магау қатысудан бас тартты
ҚФФ
2024 жылғы 17 желтоқсанда Қазақстан футбол федерациясының (ҚФФ) Сайлау комитетінің отырысы өтіп, ұйым президенті лауазымына үміткерлердің соңғы тізімі бекітілді.
Отырыс барысында ЗТБ «Para Football League» өкілі Наргис Ерланқызы Магау сайлауға қатысудан өз еркімен бас тартып, кандидаттар тізімінен алынды.
КФФ президенті лауазымына мына үміткерлер ұсынылды:
Даумов Алтай Алмасович – ЗТБ «Алматы облысының футбол ассоциациясы» атынан;
Джамантаев Ерлан Айтпаевич – ЗТБ «Республикалық жеке футбол мектептері мен академиялары лигасының ассоциациясы» атынан;
Каиров Ербол Кыдырбекович – ЗТБ «Ақмола облысының футбол ассоциациясы» атынан;
Лория Давид Григорьевич – ЗТБ «Қарағанды облысының футбол ассоциациясы» атынан;
Омаров Марат Талгатович – ЗТБ «Астана қаласының футбол федерациясы» атынан.
Қазақстан футбол федерациясының кезектен тыс XXVII сайлау конференциясы 2024 жылдың 20 желтоқсанында өтеді.