Месси мансабында өзін ең көп ашуландырған футболшының есімін атады
Футбол
Футбол 24
Атақты аргентиналық футболшы, қазіргі таңда «Интер Майами» сапында өнер көрсететін Лионель Месси мансабында өзін ең қатты ашуландырған футболшы туралы айтып берді, деп хабарлайды Bassport.kz Championat.com-ға сілтеме жасап.
«Біз Серхио Рамоспен бірнеше рет қарсыласып, талай рет дауластық… Рамос — мені мансабымда ең қатты ашуландырған футболшы. Иә, біз бір командада ойнадық, бірақ бұған дейін „эль класико“ кезінде бір-бірімізге жиі қарсы тұрдық. Бұл өте шиеленісті матчтар болатын», — деп келтіреді Мессидің сөзін Give Me Sport.
Айта кетейік, Лионель Месси мен Серхио Рамос екі маусым бойы Францияның «ПСЖ» клубында бірге ойнады.
Еске сала кетейік, Месси 2023 жылдың жазында «ПСЖ»-дан «Интер Майамиге» еркін агент ретінде ауысты. Оның клубпен келісімшарты 2025 жылдың желтоқсанына дейін жарамды. Ал Серхио Рамос қазіргі уақытта «Севильядан» кеткеннен кейін еркін агент болып жүр.