Виктория Графеева Азия чемпионатының финалына шықты
Бокс
ҚБФ
Қазақстандық боксшы Виктория Графеева Чиангмай (Таиланд) өтетін Азия чемпионатының финалына жолдама алды, деп хабарлайды Bassport.kz.
60 келі салмақ дәрежесінде Графеева рингке жергілікті спортшы Порнтип Буапамен шықты. Бірінші және екінші раундтарда Графеева қарсыласын нокдаунға жіберді, кейін төреші жекпе-жекті тоқтатуға мәжбүр болды. Осылайша, Виктория алтын медаль үшін финалда жұдырық түйістіретін болады, ал Порнтип Буапа Азия чемпионатының қола медалін иеленді.
Еске сала кетейік, Виктория Графеева ширек финалда екінші раундта техникалық нокаутпен Тайвань боксшысы Чень Сюань Е-ді жеңген еді.