«Арлан» Құрлықтық Кубоктың финалдық кезеңінде бақ сынайды
Хоккей
ХК “Арлан”
Құрлықтық Кубоктың шешуші кезеңінің өтетін орны мен уақыты белгілі болды, деп хабарлайды Bassport.kz Pro Hokei Ligasy сілтеме жасап.
Финалдық турнир қатарынан екінші жыл Уэльсте, «Кардифф Девилз» командасының үй алаңы — «Виндико Аренада» өтеді.
2025 жылдың 16-19 қаңтары аралығында өтетін жарыста «Кардифф», француздық «Гренобль», польшалық «Катовице» және қазақстандық «Арлан» командалары чемпиондық атақ үшін таласады.
Айта кетейік, Көкшетаудың «Арлан» командасы 2019 жылы Құрлықтық Кубокты жеңіп алған болатын. «Катовице» мен «Кардифф» өткен жылғы финалға қатысып, сәйкесінше төртінші және үшінші орындарды иеленген. Ал «Гренобль» командасы бұл кезеңге 15 жылдан кейін алғаш рет жолдама алып отыр.