Махмұд Сабырхан Азия чемпионатында қатарынан екінші нокаутын тіркеді
Бокс
ҰОК
Қазақстандық боксшы Махмұд Сабырхан Таиландтың Чиангмай қаласында өтіп жатқан Азия чемпионатында 54 келі салмақ дәрежесінде ширек финалдық жекпе-жегін өткізді, деп хабарлайды Bassport.kz.
Сабырхан ширек финалда Шри-Ланка өкілі Джаянат Кумарамен кездесті. Екінші раундта қарсыласын нокаутқа жіберіп, жартылай финалға жолдама алды. Бұл нәтиже оған кем дегенде қола медальді қамтамасыз етті. Ерлер арасындағы жартылай финалдық кездесулер 8 желтоқсанға жоспарланған.
Еске салайық, 2023 жылғы әлем чемпионы және 2022 жылғы Азия чемпионатының күміс жүлдегері Махмұд Сабырхан осы жарыстағы екінші жекпе-жегін өткізді. Бұған дейін ол 1/8 финалда тайваньдық Лай Ян-Линді бірінші раундта мерзімінен бұрын жеңген болатын.