Роналду 915-ші голын соғып, әлемдік рекордты жаңартты
Футбол
Спорт-Экспресс
«Аль-Наср» шабуылшысы Криштиану Роналду Сауд Арабиясы чемпионатының 12-турында «Дамакқа» қарсы ойында дубль жасап, өз командасына 2:0 есебімен жеңіс сыйлады, деп хабарлайды Bassport.kz. Sports.kz сілтеме жасап.
Матчтың 17-минутында португалиялық форвард пенальтиді дәл орындаса, 79-минутта екінші голын соқты. Айта кету керек, 56-минутта «Дамак» ойыншысы Абделькадер Бедран қызыл қағаз алып, командасын алаңда он ойыншымен қалдырды.
Бұл жеңістен кейін «Аль-Наср» 25 ұпай жинап, турнирлік кестеде үшінші орынға көтерілді. Ал Криштиану Роналду дубльдің арқасында өз рекордын жаңартты — енді оның кәсіби мансабында 915 гол бар, бұл әлемдік деңгейдегі үздік нәтиже.