Елдос Сметов пен Данияр Шамшаев қомақты ақшалай сыйақы алды
Әлеуметтік желі
Белгілі дзюдошылар Елдос Сметов пен Данияр Шамшаевқа еліміздегі өнім өндіруші компаниялардың бірі қомақты ақшалай сыйақы берді, деп хабарлайды Bassport.kz 1bol-ға сілтеме жасап.
Париж Олимпиадасында чемпион атанған Елдос Сметовке 8 млн берілсе, 73 келіде Франция астанасындағы ойындарға қатысқан Данияр Шамшаевқа 4 млн теңге табысталды. Олимпиада ойындарынан кейін сый-сыяпатқа мейлінше кенелген Сметов үшін бұл соманы қалыпты қаржы деуге болады.
Себебі, Парижден оралған спортшыға ел бойынша өте құнды сыйлықтар табысталған еді. Мәселен, Тараз қаласынан 5 бөлмелі пәтер мен қымбат жол талғамайтын көлік берілсе, Ақтөбе облысында кәсіпкер 100 бас жылқы сыйға берді. Бұдан бөлек, Алматыдан 2 бөлмелі пәтер, құны 140 мың доллар тұратын көлік, бірнеше жеңіл көлік сыйға берілді. Сондай-ақ, Сметов Олимпиада чемпионы ретінде мемлекеттен 250 мың АҚШ долларын алды.