Кайрат Боранбаев чемпиондық туралы пікір білдірді
Футбол
Қайрат Боранбаевтың инстаграм парақшасынан
“Кайрат” клубының бақылау кеңесінің төрағасы Кайрат Боранбаев клубтың Қазақстан чемпионатындағы жеңісіне қатысты пікір білдірді, деп хабарлайды Bassport.kz.
Қазақстан Премьер-лигасының соңғы турында “Кайрат” командасы “Атырауды” 1:0 есебімен жеңді. Боранбаев маусымның ерекше болғанын және маңызды өзгерістердің өз уақытында жасалғанын атап өтті.
“Маусым өте қызықты болды. Біз маңызды өзгерістерді дер кезінде жасадық деп ойлаймын. Бірінші айналымнан кейін трансферлік терезе ашылған кезде өзгерістер енгіздік, өйткені біздің жігіттердің әлі де толық дайын емес екенін түсіндік. Бұл өзгерістер бүгінгі нәтижеге жеткізді. Соңғы бөлігін жақсы өткіздік, төрт ойында қатарынан жеңіске жеттік. Енді Чемпиондар Лигасына дайындаламыз. Әлі уақыт бар. Чемпиондар Лигасы - маңызды жол, әр кезеңде Қазақстан мен клубқа ұпай жинауға мүмкіндік береді. Сонымен қатар, бұл клубымыз үшін маңызды қаржылық фактор”, - деді Боранбаев QFL баспасөз қызметіне берген сұхбатында.
Сонымен қатар, ол маусым бойы қолдау көрсеткен жанкүйерлерге алғысын білдірді.
Естеріңізге салайық, “Қайрат” бүгін Қазақстан Премьер-лигасының чемпионы атанды.