Жания Бекмұхамбетова Италияда үстел теннисінен алтын алды
Теннис
Olympic.kz
Қазақстандық Жания Бекмұхамбетова Линьянода (Италия) өткен үстел теннисінен WTT Youth Contender Lignano 2024 халықаралық турнирінде алтын медаль жеңіп алды, деп хабарлайды Bassport.kz Olympic.kz-ке сілтеме жасап.
Ол 11 жасқа дейінгі жас санатында үздік атанды. Спортшы Лола Урияны (Испания) 3:0, Серена Россатиді (Италия) 3:0, Эмили Кожакаруды (Италия) 3:0, Джулия Фернандесті (Испания) 3:0, Бьянка Томаны (Румыния) 3:0 және Аялгуу Эрденехуягты (Моңғолия) 3:2 есебімен жеңді.
Осы турнирде Жания бұған дейін 13 жасқа дейінгі спортшылар арасында үшінші орын алған еді.