Қазақстанның 15 жасқа дейінгі хоккей құрамасының бапкерлік штабы анықталды
icehockey.kz
Хоккейден Қазақстанның 15 жасқа дейінгі құрамасының бас бапкері Максим Худяков болды, деп хабарлайды Bassport.kz Қазақстан Хоккей Федерациясына сілтеме жасап
Қазақстанның 15 жасқа дейінгі хоккей құрамасының бапкерлік штабы анықталды. Бас бапкер болып ұлттық құраманың экс-хоккейшісі, Қарағандыдағы балалар хоккей мектебінің жаттықтырушысы Максим Худяков тағайындалды. Бапкерлер Астана, Қарағанды және Өскемен қалаларынан шақырылды: Эдуард Мазула, Алексей Бекетов, Владимир Логвин, Артем Кисель. Владимир Беляев – куратор жаттықтырушы, ал Евгений Черепанов – қақпашылар жаттықтырушысы.
Айта кетейік, хоккейден Қазақстанның 15 жасқа дейінгі құрамасы Сочи қаласында 14-24 қараша аралығында өтетін «Хоккей аймағы» халықаралық турниріне дайындалуда. 28 қазан мен 4 қараша аралығында Астанада 56 үміткер іріктелетін оқу-жаттығу жиындары өтеді.