Ангелина Лукас әлемдік рейтингіде жоғары көтерілді
Бокс
Спортшының желідегі парақшасынан
Қазақстандық боксшы Ангелина Лукас (11-1, 5 КО) аргентиналық Дебора Лопесті (21-3-1, 1 КО) жеңіп, Boxrec.com сайтының рейтингісіндегі орнын жақсартты. Bassport.kz бұл туралы Prosports.kz-ке сілтеме жасап хабарлайды.
Лукас Лопесті бірауыздан жеңіп, IBO супер жеңіл салмақтағы бос титулды жеңіп алды. Осы дивизиондағы BoxRec рейтингісінде қазақстандық спортшы 12-орыннан 11-орынға көтерілді.
Биыл Ангелина Лукас алты жекпе-жек өткізді: оның үшеуін нокаутпен жеңді, үшеуін төрешінің шешімімен жеңді. Бұған дейін ол кіші WIBF және WBF әлем чемпионы белбеулерін де жеңіп алған.