Париж-2024: Назым Қызайбай жартылай финалға жолдама алды
Бокс
Владислав Семенов/ҰОК
Бокстан Қазақстан әйелдер құрамасының мүшесі Назым Қызайбай Париж Олимпиадасындағы ширек финалдық жекпе-жегін cәтті өткізді, деп хабарлайды Bassport.kz ҰОК-ге сілтеме жасап.
Әйелдер арасында 50 келі салмақта сынға түсіп жатқан Қызайбай ширек финалда колумбиялық Валенсия Лорена Ингритпен жұдырықтасқан болатын. Тартысты жекпе-жектің алғашқы екі раундында төрешілер 3:2 есебімен жеңісті Назымға берді.
Жалпы есепте Назым Қызайбай 4:1 есебімен жеңіске жетіп, Олимпиаданың жартылай финалына өтті. Финал жолдамасы үшін таласта Қызайбай қытайлық Ву Юмен жұдырықтасады.