Бүгін Еуропа чемпионатының 1/4 финалында үздік 4 құрама ойнайды
Футбол
Uefa.com
Футболдан 2024 жылғы Еуропа чемпионатының 1/4 финалында Испания мен Германия және Португалия мен Франция құрамалары кездесу өткізеді, деп хабарлайды BasSport.kz.
Штутгарт қаласындағы «МХП» стадионында өтетін матч кешкі сағат сағат 21.00-де басталады. Турнирдің қос фавориті Испания мен Германия жасыл алаңда кім мықтыны анықтайды. Ойынға танымал төреші Энтони Тэйлор қазылық етеді.
Түнгі сағат 00.00-де Португалия мен Франция кездесуі басталады. Ойын Гамбург қаласындағы «Фолькпаркштадион» стадионында өтеді. Кездесуге бас қазы Майкл Оливер төрелік етеді.