Юлия Путинцева Бирмингем WTA 250 турнирінің чемпионы атанды
instagram.com/yulia_putintseva
Қазақстанның екінші ракеткасы Юлия Путинцева Бирмингем (Ұлыбритания) WTA 250 турнирінің жеңімпазы атанды, деп хабарлайды BasSport.kz.
Prosports.kz спорттық порталының мәліметінше, отандасымыз финалда аустралиялық Айла Томляновичтен айласын асырды. Қорытынды есеп - 6:1, 7:6.
Осылайша, Путинцева алғаш рет көгал төсенішіндегі WTA жарысында топ жарды.
Айта кетейік, ол бұған дейін ол 2019 жылы Нюрнберг, 2022 жылы Будапешт додасында жеңімпаз атанған еді.