Канвон-2024: қазақстандық хоккейшілер Олимпиаданың қола жүлдесіне таласады
Хоккей
Қысқы спорт
icehockey.kz
Оңтүстік Кореяда өтіп жатқан жасөспірімдер арасындағы Канвон-2024 қысқы Олимпиадаcында Қазақстан құрамасы 3x3 хоккейден финалға шыға алмады. Бұл туралы Қазақстан хоккей федерациясының ресми сайтына сілтеме жасай отырып BasSport.kz хабарлайды.
Жартылай финалда қазақстандық хоккейшілер турнир кестесінің көшбасшысы Латвия командасына қарсы ойнап, 19:6 есебімен ұтылып қалды. Іріктеу сайыстарында мүлде жеңілмеген латвиялықтар ойынның бірінші кезеңінде 9 шайба салды (9:1).
Екінші кезең 2:2 есебімен тең аяқталды. Бірақ шешуші партияда Латвия құрамасы айқын басымдықпен ұтты — 8:3.
Енді Қазақстан құрамасы екінші жартылай финалдың жеңімпазымен қола жүлде үшін таласады.
Екінші жартылай финал Австрия мен Дания арасында өтеді.