Саян Данияр “Торпедо” сапын толықтырды
Хоккей
Қазақстандық шабуылшы Саян Данияр өскемендік “Торпедомен” келісімге келді, деп хабарлайды bassport.kz тілшісі.
Бұл туралы клубтың баспасөз қызметі мәлімдеді.
Саян Данияр осы жазда ресейлік “Тамбовпен” келісімшартқа қол қойған. Оқу-жаттығу жиындарын ресейлік командамен бастаған шабуылшының араға аз уақыт салып клубтан кеткені белгілі болды.
Ал өткен маусымда Саян Данияр қарағандылық “Сарыарқа” құрамында өнер көрсетіп, жалпы 46 матчта (плей-оффты қоса алғанда) 29 (14+15) ұпай олжалаған.