Месси “Интер Майами” сапындағы алғашқы дублін жасады
Футбол
Getty Images
Америкада Лигалар Кубогы екінші турының матчы өтіп, өз алаңында “Атланта Юнайтедті” қабылдаған “Интер Майами” 4:0 есебімен жеңіске жетті, деп хабарлайды BasSport.kz тілшісі.
Аргентиналық шабуылшы Лионель Месси матчтың 8-минутында есеп ашса, 22-минутында дубль авторы атанып үлгерді. Сонымен қатар, ойындағы соңғы голда да Мессидің үлесі бар. Ол финляндиялық жартылай қорғаушы Роберт Тейлордың гол соғуына жағдай жасап берді.
Айта кетейік, бұл - Лео Мессидің “Интер Майами” сапындағы екінші матчы. Ол өткен аптада америкалық клуб құрамындағы дебюттік матчын өткізіп, “Крус Асульге” қарсы ойында нәтижелі соққы авторы атанған еді.