Лео Месси "Интер Майамидегі" дебюттік матчын қашан өткізетінін айтты
Футбол
СЭ
Аргентиналық футболшы Лионель Месси өзінің Instagram әлеуметтік желісіндегі парақшасында "Интер Майами" жанкүйерлеріне алғысын айтып, дебюттік матчы қашан өтетінін айтты, деп хабарлайды bassport.kz тілшісі.
"Барлығыңызға кешегі күн үшін алғыс айтамын. Жаңбыр жоспарды бұзды, дегенмен де бәрі тамаша өтті. Келген барлық жанға алғысымды білдіремін. Махаббатарыңыз бен ыстық ықыластарыңыз үшін, әншілерге өнерлері үшін рақмет.
Жұмада жүздескенше...", - деп жазды Лионель Месси.
Айта кетейік, "Интер Майами" 22 шілде күні Астана уақытымен таңғы сағат 06:00-де Лига Кубогындағы алғашқы матчын өткізеді, команда қарсыласы - мексикалық "Крус Асуль". Дәл осы ойында Лионель Месси америкалық клуб сапындағы бірінші дебюттік матчын өткізуі мүмкін.