Андрей Рублев: “Сен әрдайым талантты болдың”
Теннис
Александр Бубликтің Галледегі АТР 500
жарысы финалындағы қарсыласы Андрей Рублев қазақ теннисшісін жеңісімен құттықтады, деп хабарлайды bassport.kz тілшісі.
“Алдымен Сашаны тамаша апта өткізуімен құттықтаймын. Сен әрдайым талантты болдың. Бұл жеңіс - сенің ең үздік спортшы болып, тұрақты теннис ойнағың келсе, қолыңнан бәрі келетінінің көрінісі. Оған қоса, отбасыңның алдында чемпион атану - ерекше сезім”, - деді Андрей Рублев жарыстың марапаттау салтанатында.
Айта кетейік, бұл Александр Бубликтің мансабындағы ең ірі жеңісі. Бұған дейін спортшы Монпельеде өткен АТР 250 жарысында топ жарған еді.