Александр Бублик Германияда чемпион атанды
Теннис
Германияның Галле қаласындағы АТР 500 турнирінің финалдық матчы аяқталды, деп хабарлайды bassport.kz тілшісі.
Қазақстанның бірінші ракеткасы Александр Бублик спорттық мансабында тұңғыш рет АТР 500 жарысының чемпионы атанды.
Финалда әлемнің жетінші ракеткасы Андрей Рублевпен шеберлік байқасқан Александр Бублик ресейлік теннисшіні үш сетте 6:3, 3:6, 6:3 есебімен жеңді.
Александр Бублик осы жеңісінің арқасында рейтингтегі 48-орыннан 27-орынға көтеріледі.
Айта кетейік, бұл Александр Бубликтің АТР ұйымдастыратын жарыстарда жеңіп алған екінші титулы. Өткен жылы отандасымыз Монпельедегі (Франция) АТР 250 жарысында топ жарған еді.