“Әл-Иттихад” Чемпиондар лигасы жеңімпазына келісімшарт ұсынды
Футбол
Getty Images
Саудиялық “Әл-Иттихад” ағылшындық “Манчестер Сити” жартылай қорғаушысы Илкай Гюндоганға келісімшарт ұсынды, деп хабарлайды BasSport.kz тілшісі.
Sport.es жазуынша, футболшы клуб ұсынысын ойланып көретінін жеткізген. Сонымен қатар, дортмундтық “Боруссия” футболшыны қатарына қосқысы келіп отыр.
Өткен маусымда Гюндоган “Манчестер Сити” сапында 42 ойынға қатысып, 9 гол және 6 нәтижелі паспен көзге түсті.
Ойыншының ағылшындық клубпен келісімшарты маусым айының соңында аяқталады. Ал оның трансферлік құны - 25 млн еуро.