Анна Данилина Абу-Дабидегі турнирдің бірінші айналымынан аса алмай қалды
Теннис
Жұптық сындағы Қазақстанның бірінші ракеткасы Анна Данилина Абу-Дабиде өтіп жатқан WTA-500 турнирінің бірінші айналымында жеңіліс тапты, деп хабарлайды bassport.kz тілшісі.
Қазақстандық теннисші украиналық Людмила Киченокпен бірге өнер көрсетіп, бірінші кезеңде бразилиялық-қытайлық жұп Луиза Стефани-Шуай Чжанмен кездесіп 7:6, 3:6, 5:10 есебімен жеңіліс тапты. 1 сағат 46 минутқа жалғасқан матчта қазақстандық-украиналық дуэт мүмкін болған он бір брейк-пойнттың жетеуін жүзеге асырып, бір қосарланған қателікке жол беріп, бір рет қана эйс жасай алды.