“Барыс” - “Сибирь”: бесінші кездесуде кімнің бағы жанады?
Құрлықтық хоккей лигасы тұрақты маусымы аясында астаналық “Барыс” өз айдынындағы кезекті матчтар сериясының нүктесін “Сибирьмен” болар ойынмен қояды, деп хабарлайды BasSport.kz тілшісі.
Биылғы маусымда командалар өзара төрт кездесу өткізіп, оның үшеуінде “Барыстың” асығы алшысынан түсті (2:0, 3:1, 2:1). Тек бір матчта ғана “Сибирь” матчты өз пайдасына жаза алды - 4:3.
“Барыс” соңғы ойында плей-офф жолдамасы үшін басты қарсыластарының бірі нижнекамскілік “Нефтехимиктен” 3:5 есебімен жеңілді. Ал сырт айдында “Ақ Барспен” кездескен “Сибирь” 3:4 есебімен жеңіске қол жеткізіп, қазандық клубтың бес жеңістен тұратын сериясын үзді.
Матч Астана уақытымен 19:30-да басталады. BasSport.kz сайты ойынның тікелей көрсетілімін ұсынады. Оны сайтымыздың “Трансляциялар” бөлімінен көруге болады.