Холанд АПЛ рекордын жаңартты
Футбол
Футболдан Ағылшын Премьер-лигасында өнер көрсететін “Манчестер Сити” ойыршысы Эрлинг Холанд жаңа нәтижеге қол жеткізіп, рекорд жаңартты, деп хабарлайды BasSport.kz тілшісі.
Ол Лигадағы 20 гол соққан ең жылдам ойыншы атанды. Турнирдің 14 матчында Холанд 20 гол соққан. Бұған дейін үздік нәтиже Кевин Филлипске тиесілі болды. Футболшы 21 матчта 20 нәтижелі соққының авторы атанған.
Айта кетейік, 17-тур ойындарында “Лидспен” кездескен “Манчестер Сити” қарсыласын 3:1 есебімен жеңді. Сөйтіп, Хосеп Гвардиоланың шәкірттері командадан 5 ұпайға алда тұрған “Арсеналға” бір табан жақындай түсті.