Маусымдағы екінші кездесу: “Барыс” - “Ақ Барс” матчының аңдатпасы

«Барыс» өз айдынындағы мерекелік матчтар сериясын «Ак Барспен» жалғайды. Бүгін Астанада ҚХЛ Шығыс конференциясының турнирлік кестесінде көршілес тұрған екі команда кездеседі.

Қазандық хоккейшілер «СКА» командасын жеңгеннен кейін, сырт алаңда екі рет қатарынан жеңіліс тапты. Дүйсенбіде «Ак Барс» 2:0 есебімен алда келе жатып, «Сибирьге» жол беріп, ұпай еншілей алмады. Бұл матчта Максим Быков пен Кирилл Петров қарсылас қақпасын дәл көздеді. Қақпашы Тимур Билялов 15 соққының он бірін ғана кері қайтарды. Олег Знарок командасының көп соққы жасамағанын және жеңіске жету үшін осы себеп болғанын, бірақ шәкірттерінің ойыны әр матч сайын жақсарып келе жатқанын айтты.

Татарстан астанасының командасы 32 кездесуде 32 ұпай еншіледі. Әзірге бұл ұпай Шығыс конференциясының плей-офф сегіздігін түйіндеуіне көмектесіп тұр. «Ак Барстың» үздік сұрмергені - Александр Радулов (13+11). Қазан қаласы командасының жарақат алғандар тізімінде Никита Евсеев пен Динар Хафизуллин бар. Апта басында «Ак Барс» «Спартак» сапын толықтырған қорғаушы Максим Чудиновпен келісімшарт бұзылғанын хабарлады.

Өткен матчта «Барыс» «Салават Юлаевты» жеңді – 4:1 Кирилл Савицкий дубль авторы атанып, маусымда 10 ұпай жинады. Джереми Бракко (8+13) мен Линден Вей (13+8) де шайба соғып, көзге түсті және олар қазақстандық команда сапындағы ең нәтижелі ойыншылар. Энтони Луис тұрақты маусымдағы өзінің 10-нәтижелі пасын берді. Ал Никита Бояркин 26 соққыға тосқауыл болып, әріптесі Джесси Грэмнің голын ғана жіберіп алды. Андрей Скабелка өз шәкірттеріне командалық жеңіс үшін алғысын білдіріп, ойыншылардың кездесудің маңызды сәттерінде тепе-теңдікті ұстай білгенін ерекше атап өтті.

Қазіргі таңда астаналықтардың плей-офф аймағына енуі үшін екі ұпай жетпей тұр (33 матчта 30 ұпай). Бүгін «Барыс» биылғы маусымдағы кездесулерінің тең жартысын өткізеді. Кеше астаналық клуб канадалық қорғаушы Алекс Гранттың команда сапын толықтырғанын хабарлады. Ойыншы апта соңына дейін команда құрамына қосылады.

Қазан айының басында «Барыс» пен «Ак Барс» Қазанда бір рет кездесті. Ол кезде қазақстандық клуб 3:2 есебімен жеңіске қол жеткізген.

Матч Астана уақытымен 19:30-да «Барыс-Аренада» басталады.

Ойынның тікелей көрсетілімі BasSport.kz сайты көрсетеді. 

«Барыс» ХК бас серіктесі - «Самұрық-Қазына» ҰӘҚ» АҚ

«Барыс» ХК серіктесі - «Туризм индустриясы мен спортты қолдау қоры» КҚ