Роналду кетті
Футбол
Ағылшындық "Манчестер Юнайтед" пен Криштиану Роналду келісімшартты бұзды, деп хабарлайды Bassport.kz тілшісі.
Клуб португалдық ойыншы қос тараптың келісімі бойынша келісімшарт бұзылғаннан кейін бірден командадан кететіндігін мәлімдеді.
Әлем чемпионаты алдында Криштиану Роналду дау туғызған сұхбат беріп, "Манчестер Юнайтед" басшылығы мен бас бапкер Эрик тен Хагты қатты сынаған еді.
Айта кетейік, Роналду "Манчестер Юнайтед" сапында 2003-2009 жылдар аралығында өнер көрсеткен. Былтырғы жылдың жазында спортшы клубқа қайта оралған. Сондай-ақ, Роналду "Реал", "Ювентус" пен "Спортинг" клубтары үшін ойнаған.