“Барыс” канадалық қорғаушымен келісімшартқа қол қойды
«Барыс» хоккей клубы Алекс Грантпен келісімшартқа қол қойғанын ресми мәлімдейді, деп хабарлайды BasSport.kz тілшісі.
Канадалық қорғаушымен жасалған бір жақты келісімшарт биылғы маусымның соңына дейін есептелген.
Қорғаушы кәсіби мансабының көп бөлігін Америка хоккей лигасында өткізген. 2018 жылдан бері Грант Құрлықтық хоккей лигасында өнер көрсетіп келеді. Төрт жыл бойы Алекс «Йокерит» сапында ойнап, нәтижелі ойыншылардың бірі болған. Өткен маусымда спортшы Канада ұлттық құрамасымен бірге Бейжіңдегі қысқы Олимпиада ойындарында өнер көрсетті.
Биылғы маусымды қорғаушы СКА командасында бастап, 16 ойында 6 (1+5) ұпай жинады. Грант «Барыста» 51-нөмірмен ойнайды.
Алекс Грант
Амплуа: қорғаушы
Туған жылы: 20.01.1989.
Ойын таяғын ұстауы: оңқай
Бойы: 191 см.
Салмағы: 95 кг.