Айдос Ербосынұлының жағдайы белгілі болды
Бокс
Қазақстандық боксшы Айдос Ербосынұлының жағдайы жақсарды. Бұл туралы Suleimen Promotions промоутерлік компаниясының әлеуметтік желісіндегі парақшасында хабарланған.
"Жағымды жаңалық. Біздің батырымыз, екінші орта салмақтағы боксшы Айдос Ербосынұлы отадан соң қарқынды терапия бөлімінен қарапайым палатаға ауыстырылды. АҚШ-тағы компания өкілінің хабарлауынша, боксшының денсаулығы едәуір жақсарған. Отандасымыз әлі де болса дәрігерлердің бақылауында болмақ. Батырымызға қолдау білдірейік", - делінген хабарламада.
Еске салайық, бір апта бұрын Айдос Ербосынұлы (16-0, 11КО) WBA-дің екінші орта салмақтағы «қарапайым» чемпионы – кубалық Давид Моррелмен (7-0, 6КО) жекпе-жекте нокаутпен жеңілген соң жасанды комаға түскен еді.