Рыбакина vs Швентек: Қазақстанның келесі қарсыласы - Польша
Теннис
Теннистен әйелдер арасындағы Әлем чемпионаты өз мәресіне жетіп, 2023 жылғы Билли Джин Кинг Кубогының іріктеу кезеңінде бақ сынасатын құрамалар анықталды.
2023 жылдың 14-15 сәуір күндері өтетін квалификациялық раундта Қазақстан құрамасының қарсыласы Польша болмақ. Бұл құраманың сапында әлемнің бірінші ракеткасы Ига Швентек бар. Ол биылғы маусымда екі “Үлкен дулыға” кезеңін - “Роллан Гаррос” пен “US Open” турнирлерін жеңіп алды.
Билли Джин Кинг Кубогының 2022 жылғы финалдық кезеңінде Қазақстан құрамасы С тобында Ұлыбритания және Испания құрамаларымен кездесіп, плей-офф кезеңіне жолдама ала алмағанын естеріңізге сала кетейік.