Қазақстан жасөспірімдер футболындағы жанжал өмір бойына дисквалификацияға әкелуі мүмкін
Планета-СПОРТ
Түркістанда жасөспірімдер арасындағы Қазақстан чемпионатында «Тұран» мен «Екібастұз» командаларының ойынында болған жаппай төбелестен кейін қатаң шаралар қабылданбақ, деп хабарлайды Bassport.kz «Серый CARDINAL» Telegram арнасына сілтеме жасап.
Федерацияның мәліметінше, екі ойыншыны — «Тұран» мен «Екібастұз» өкілдерін — өмір бойына алаңға шығу құқығынан айыру қарастырылып отыр. Сонымен қатар, ұйымдастырушы тарап ретінде «Тұран» клубы, қарсылас команда және төрешілер де санкцияға ұшырауы мүмкін (төрешілердің әрекеті дұрыс деп танылғанына қарамастан). Профильдік департамент пен ҚФФ-ның балалар-жасөспірімдер турнирлерін өткізу қауіпсіздігі де қайта тексеріледі.
Барлық шешім келесі аптаның басында қабылдануы күтілуде. Кей сарапшылар элиталық жасөспірімдер чемпионатын кәсіби клубтар арасындағы жарыстарды ұйымдастыратын дирекция қарамағына беруді ұсынып отыр. Олардың айтуынша, бұл жарыс сапасын арттыруға көмектеседі, әсіресе соңғы жылдары айтарлықтай алға жылжыған QJ League мысалында бұл анық көрінеді.