Ербол Қайыров ҚФФ сайлауына наразылығын білдірді: “Бәрі сценарий бойынша өтті” (ВИДЕО)
Футбол
Әлеуметтік желі
Қазақстан футбол федерациясы (ҚФФ) президенттігіне үміткер Ербол Қайыров сайлау нәтижелеріне байланысты өз пікірін Bassport.kz тілшілеріне айтты.
— “13:57-де бір телеграм арнада дауыс берудің нәтижесі шықты. 13:59-да федерацияның ресми өкілі сол нәтижені жариялады. Демек, бәрі сценарий бойынша өтті. Екі минут бұрын телеграм арнада пайда болған нәтижелер әр түрлі пабликтерде де тарады. Жүйенің ауысқанын бәріміз қалаймыз, бірақ ештеңе өзгермейді” — деді Қайыров.
Сайлау қорытындысы бойынша Марат Омаров 34 дауыс жинап, ҚФФ президенті болып сайланды. Алтай Даумов 2 дауысқа ие болса, Ербол Қайыров бірде-бір дауыс ала алмады.