Франк Чамизо неге тек бір белдесуге шықты?
Күрес
SportBall24
Wrestling Stars турнирінде әлем және Еуропа чемпионы Франк Чамизо тек бір ғана белдесу өткізіп, жанкүйерлер арасында сұрақ туғызды.
Турнирдің бас ұйымдастырушысы Дәурен Еркінұлы бұл жағдайға қатысты Bassport.kz тілшілеріне сұхбат берді.
“Ол бізбен келісімшартқа қол қойғаннан кейін, турнирге аз уақыт қалғанда жарақат алып қалған еді. Содан соң, біз онымен телефонмен сөйлесіп, “халыққа жариялап қойдық, ұят болады” деген соң, келіп күресіп еді. Белдесу барысында аяғынан жарақат алып, жарысты жалғастыра алмады,” – деді Дәурен Еркінұлы.
Айта кетейік, Франк Чамизо – еркін күрестің танымал жұлдызы, әлем және Еуропа чемпионаттарының бірнеше дүркін жеңімпазы. Оның турнирге қатысуы жанкүйерлер үшін үлкен қызығушылық тудырған еді.