Мейрамбек Қартбай: “Қырғыз балуан екеуіміз бір-біріміздің сырымызды білеміз”
Күрес
ҰОК
57 келі салмақта Wrestling Stars турнирінің чемпионы атанған Мейрамбек Қартбай финалдық кездесу жайлы өз ойымен бөлісті.
Финалда Мейрамбек қырғыз балуаны Алмаз Сманбековпен белдесіп, тартысты жекпе-жекте жеңіске жетті. Бұған дейін қос балуан Тараздағы турнирдің финалында кездескен екен.
“Қырғыз балуанымен алдында Тараз қаласында турнирде финалда кездескенбіз. Ол кезде де жеңіс менде болған. Қазір бір-біріміздің сырымызды жақсы білеміз. Сондықтан бұл кездесу қиынға соқты,” – деді Қартбай.
Сондай-ақ, ол өз мансабындағы маңызды белестердің бірі – Олимпиада ойындары туралы пікір білдірді:
“Париждегі олимпиада мен үшін ойдағыдай болмады. Бұл менің үлкен арманымның бірі еді. Бірақ келесі бір олимпиадаға барамын деген ниеттемін,” – деді балуан.