“Барыс” сенсация жасады
Хоккей
ХК “Барыс”
Астана хоккейшілері турнирлік кестенің төменгі бөлігінде болса да, үздік бестіктегі командаға қарсы ойында жеңіс алып, жанкүйерлерін қуантты.
Бүгін “Барыс Аренада” өткен ҚХЛ-дың тұрақты маусымындағы матчта жергілікті “Барыс” Магнитогорскінің “Металлург” командасын қабылдап, 2:1 есебімен басым түсті. Жеңіс шайбаларын Максим Мухаметов пен Кирилл Панюков соқты.
Осы нәтижеге қарамастан, “Барыс” Шығыс конференциясының турнирлік кестесінде әлі де 11-орында тұр. Ал “Металлург” бесінші орынды сақтап қалды, бірақ көшбасшы “Трактордан” тоғыз ұпайға қалып келеді.