«Барыс» ҚХЛ 3х3 чемпионатының қатысушысы
Хоккей
ХК “Барыс”
Құрлықты хоккей лигасы (ҚХЛ) алғаш рет 3х3 форматындағы чемпионатты өткізетінін ресми түрде жариялады, деп хабарлайды Bassport.kz
Бұл жаңа формат хоккейдің дамуындағы келесі қадам ретінде бағаланып отыр. Әлемдік деңгейде танылған 3х3 жақын арада Қысқы Олимпиада ойындарының бағдарламасына енуі мүмкін. ҚХЛ осы форматты кәсіби хоккей клубтары базасында ұйымдастырған алғашқы лига атанып отыр.
Алғашқы маусымда үш елден сегіз ҚХЛ командасы қатысады. “Барыс” командасы “Авангард”, “Металлург” және “Салават Юлаевпен” кездеседі. Екінші дивизионда “Ак Барс”, “Динамо” (Минск), “Сибирь” және “Трактор” бақ сынайды.
Чемпионаттың тұрақты маусымы 2024 жылдың желтоқсан айынан 2025 жылдың маусымына дейін жалғасып, барлығы 312 матч өткізіледі.