Елдос Сметовке тағы бір құрметті марапат табысталды
Дзюдо
Қазақстан дзюдо федерациясы
Дзюдодан Ақтөбе қаласында өтіп жатқан ел чемпионатында Олимпиада чемпионы Елдос Сметовке Халықаралық дзюдо федерациясы (IJF) жіберген арнайы «алтын жазу» табысталды. Бұл мәртебелі белгі спортшының барлық жарыстарда кимоносына Олимпиада чемпионы екенін айғақтайтын белгі ретінде тағылады.
Айта кетейік, бұл құрмет әлемде тек Олимпиада жеңімпазы атанған 14 балуанға ғана көрсетіледі.
Арнайы белгіні ҚР дзюдо федерациясының президенті Қуанышбек Есекеев салтанатты түрде табыстады.
Елдос Сметов — қазақ дзюдосы тарихындағы Олимпиада чемпионы атанған алғашқы спортшы. Бұған дейін төрт жылдықтың басты додасында Асхат Житкеев (2008) пен Сметовтің өзі (2016) күміс жүлде еншілеген болатын.