Путинцева ойнамайды: Астанада өтетін Қазақстан мен Оңтүстік Корея матчының кестесі шықты
ҚТФ
Қазақстан теннис федерациясы Қазақстан мен Оңтүстік Корея әйелдер құрамалары арасындағы Билли Джин Кинг кубогының плей-офф кезеңінің матч кестесін ұсынды, деп хабарлайды Bassport.kz
Матчтар 16-17 қараша күндері Астанада хард жабындысы бар кортта өтеді. Ойын төрт жеке және бір жұптық кездесуден тұрады. Қазақстан құрамасы сапына Юлия Путинцева кіргенімен, оның есімі матчтар кестесіне енбеген. Жеке кездесулерде Елена Рыбакина мен Зарина Дияс өнер көрсетсе, жұптық матчқа Анна Данилина мен Жібек Құламбаева шығады. Айта кетейік, жарыс барысында регламентке сай ойыншыларды ауыстыру мүмкіндігі қарастырылған.
Матчтардың кестесі (Қазақстан уақыты бойынша):
16 қараша, сенбі
13:00 — Зарина Дияс vs Да Ен Бак
14:30 — Елена Рыбакина vs Со Хен Пак
17 қараша, жексенбі
12:00 — Елена Рыбакина vs Да Ен Бак
13:30 — Зарина Дияс vs Со Хен Пак
15:00 — Анна Данилина / Жібек Құламбаева vs Ку Ен Ву / Ким Дабин
Жалпы жеңіске жету үшін әр құраманың өкілдеріне үш матчта жеңіс жеткілікті.