Скатов АҚШ ашық чемпионатының негізгі кезеңіне жолдама алды
Теннис
ҚТФ
Қазақстандық теннисші, әлемнің 190-ракеткасы Тимофей Скатов АҚШ ашық чемпионатының іріктеу сайысын сәтті аяқтады, деп хабарлайды Bassport.kz Zakon.kz сайтына сілтеме жасап.
Қазақстандық теннисші іріктеу сайыстарының финалында әлемнің 104-ракеткасы, ұлыбританиялық Билли Харриспен негізгі доданың жолдамасын сарапқа салды.
Бірінші партияда Харрис 6:4 есебімен басым болған. Есесіне екіншісінде Скатов азулы қарсыласына еш мүмкіндік берген жоқ – 6:0. Үшінші, шешуші сетте Тимофей матчты жеңіспен түйіндей білді – 6:3.
Осылайша, Скатов US Open турнирінің негізгі айналымында бақ сынайды.